Би пыр и ва пыр

Эм мый йылысь казьтывны Вöльдiн сиктса тайö кык ветераныслы. Сергей Терентьевич да Алексей Семёнович Уляшевъяс вуджисны сьöкыд фронтöвöй туйяс, аддзывлiсны жуглöм каръяс и сотöм сиктъяс, синва и курыд шог. Комсомолец Сергей Уляшев медводдзаысь тышкасис вӧрӧгкӧд 1942 вося июньын, а сэсся зенитнöй батареялöн составын мездiс вöрöгысь Украина, Польша. «Помоздинскöй» совхозысь ломтас-мавтас складса стöрöж и öнi на видзö, кыдзи боевöй походъяс йылысь дона казьтылантор, аттьӧалан гижӧдъяс, кодъясöс кырымавлiсны И.В. Сталин, К.К. Рокоссовский.

Сынӧд дорйысь войскалысь лун С.Т. Уляшев лыддьö аслас праздникöн. Да и кыдзи он лыддьы, кор томлунлöн медбур кадыс колис зенитнöй öрудие дорын мирнöй енэж дорйигӧн. А кыдзи сiйö видзис, медбура висьталöны кык Слава орден, мукöд наградаяс.

Алексей Уляшев действительнöй служба вылö мунiс 20 арöсын. А сэсся гортас эз вермы волыны квайт во чöж — суис Великöй Отечественнöй. Öти яр тышын коми зон ёна доймаліс. Ёртъясыс котöртiсны водзö, атакаö, а бöрынджык Öлексейлöн мамлы Эжва йылö лэбис «похоронка». Но пармалöн быдтасыс смертьлы эз сетчы. Победнöй 1945 воын сiйö сдайтiс «пöгибнитöм» йывсьыс документ райвоенкоматö.

Вöльдiн сиктысь уджвывса да войнаса ветеранъяс Сергей Терентьевич да Алексей Семёнович Уляшевъяс.

                                                                                       Вöр фронт.